在英國，不似以前落街就有茶餐廳、港式小食、中式酒樓，好多都要去到倫敦或其他大城市先可以食得到，想食唯有自己整(流淚笑)。
今次煮的車仔麵是超級簡單，材料只有魚蛋，蘿蔔，豬皮，麵底我選了米線，當然粗麵，幼麵都可以在中西超搵到。豬皮中超可以買到，但原來英國超市都有得買，雖然不是大塊豬皮，但煮出來都一樣好食!
無車仔麵醬都不用愁，其實一般醬料都能夠整到個餸汁。
落大匙油燒熱鍋，將蒜蓉(或蒜末)先炒香，加入豆瓣醬蠔油豉油(各1－2匙，按自己口味調較)，加少少糖鹽胡椒粉再炒，再加水煮滾，就可以放入魚蛋、切好的蘿蔔和豬皮煮大約20分鐘，蘿蔔豬皮煮淋車仔麵餸就整好啦！
另一面煮麵底，英國超市沒有史雲生清雞湯又沒有濃湯寶，我會用這個代替－家樂牌魚湯塊。
煮好的麵底和湯底先倒入碗中，然後再加入車仔麵餸(魚蛋豬皮蘿蔔)連餸汁放面，一碗熱辣辣的車仔麵就食得啦！！
當然這個是簡單版，純粹是人在外地，想食車仔麵的時候不用太多烹調時間也可以食到車仔麵的回憶和味道，滿足一下自己的味蕾^^
